Әл-Фараби Атындағы Қазақ Ұлттық Университеті хабаршы шығыстану сериясы, Vol 71, Iss 1 (2016)

классификация, омоним, омофон, омограф, омонимдік қатар, омонимия., International relations, JZ2-6530

Омонимдерді әрі теориялық, әрі практикалық тұрғыдан зерттеудің мәні зор. Омонимдерді практикалық зерттеу әсіресе сөздік жасағанда басты рөл атқарады. Орыс тіл білімінің көрнекті уәкілдері В.В. Виноградов, Е.М. Галкина-Федорук т.б. бұл мәселеге айрықша назар аудару қажет деп есептейді. Қазіргі орыс әдеби тілінің үш томдық сөздігін құрастыру туралы нұсқауларда омонимдерді ажырату үшін сөздердің мағынасы, олардың шығу тегі мен құрылымдық ерекшеліктері негізінде топтастыру, классификациялаудың маңыздылығы айтылады. Тілді зерттеуде омоним сөздерді классификациялау маңызды рөл атқарады. Әсіресе лексикографикалық жұмыста омоним сөздерді топтастырудың орны ерекше. Әдетте бір лексикограф сөздік жасағанда түсіндіріліп отырған сөз көп мағыналас сөзбе әлде омоним сөз бе деген сұраққа тоқталмай кетпейді. Бұл сұраққа жауап іздегенде сөздердің шығу тегі, қай сөз табына жататыны және сөздің мағыналық ерекшеліктері қарастырылады. Осы мәселелер омоним сөздерді классификациялағанда да зерттеледі. Сондықтан омоним сөздерді классификациялаудың маңызы зор. Бұл мақала жапон тіліндегі омоним сөздерін классификациялауды өзіне міндет етеді. Жапон тіліндегі омоним сөздерді классификациялаудың 5 өлшеміне қарастырылып, сол өлшемдер бойынша омонимдерге топтастыру жасалып, қазіргі жапон тілінде қолданыста бар мысалдар талданды.